Ademáis dos vales de 25 euros para as mellores creacións sorteouse outro de 100 euros cuxa agraciada foi Andrea Velasco
No salón multiusos do Concello do Barco, a presidenta do Centro Comercial Abero O Barco CCA, Sandra Moldes, entregou na tarde do xoves, día 20 de xuño, os premios da campaña Na procura de Antón Fraguas.
Esta actividade foi organizada conxuntamente polo Centro Comercial Aberto O Barco, cos equipos de Dinamización da Lingua Galega dos CEIP Condesa de Fenosa , CEIP Julio Gurriarán, CEIP Otero Pedrayo, Colexio Divina Pastora, IES Lauro Olmo e IES Martaguisela.
A acción levouse a cabo o pasado mes de maio, coincidindo co Día das Letras Galegas. A finalidade deste novo cometido da asociación de comarciantes do Barco foi promover o coñecemento do galego e promocionar os establecementos asociados ao Centro Comercial Aberto.
Colaboraron 36 establecementos da asociación barquense, os cales amosaron nos seus escaparates as creacións feitas polos rapaces e rapaces dos colexios e institutos participantes. A camisetas pintadas polos alumnos levaban motivos e ornamentos do traxe tradicional galego.
Os agraciados recibiron un vale de 25 euros para gastar en material escolar nos comercios asociados ao CCA O Barco.
Ao finalizar o acto sorteouse entre todos os que completaron a gymkana e depositaron o folleto na urna un vale de 100 euros ,cuxa agraciada foi Andrea Velasco Dacosta. Este vale será para gastar, tamén, nos centros asociados.