O Samaín festexouse nos colexios da comarca cos típicos concursos de cabazas e tamén con relatos e contos de medo. Non faltaron as festas de disfraces de terror así como obradoiros de contos, postais ou debuxos. Unha xornada que cada ano fai máis adeptos.
IES Lauro Olmo
[df-caption title="Festa do Lauro Olmo" url="http://somoscomarca.es/wp-content/uploads/2017/10/somoscomarca_samain_lauroolmo_2017_10_31-1.jpg"]
No Lauro Olmo do Barco durante toda a semana, na biblioteca, celebraron “Samaín lecturas de terror” ou “Qué horror de semana!” Os rapaces acompañados do seu profesor leron libros de terror. Tamén se pasou unha curtametraxe de antigos alumnos do centro, “Sen Saída” de Lucía Docampo e os rapaces de 3º e 4º da ESO organizaron unha festa para recadar fondos para a excursión de fin de curso.
IES Martaguisela
[df-caption title="Exposición de recetas, cabazas e postais no Martaguisela" url="http://somoscomarca.es/wp-content/uploads/2017/10/somoscomarca_samain_martaguisela_2017_10_31-5.jpg"]
Segundo nos contou Marta Cortes, no Martaguisela, fixéronse actividades nos departamentos de inglés, lingua castelá e galego, especialmente implicado coa dinamización lingüística, como nos dixo Marta, «queremos reivindicar estas actividades como parte das nosas tradicións como é o Samaín, xa que ten unha forte pegada, aínda que sexa imposta dun xeito comercial. Nos queremos aportar outros valores desde as nosas tradicións galegas». Propuxéronlle ao alumnado de 1º da ESO facer receitas con froitos típicos do outono. O ingrediente mais usado foi a cabaza pero tamén se empregaron outros coma as castañas. Fíxose unha exposición con postais “terroríficas”, relatos, debuxos e cabazas, e houbo tres premios para as mellores postais e cabazas.
IES Cosme López
[df-caption title="Exposición de cabazas no IES Cosme López da Rúa" url="http://somoscomarca.es/wp-content/uploads/2017/10/somoscomarca_samain_cosmelopez_2017_10_31.jpg"]
No instituto Cosme López da Rúa houbo un concurso de cabazas talladas no que participou toda a comunidade educativa, país, alumnado e quen quixo axudar aos rapaces. Tamén se realizou un concurso de carteis de Samaín así coma de relatos de medo.
Aproveitando a temática que están dando os rapaces de 2º da ESO, a mitoloxía e o horóscopo celta baseado nas árbores, este curso saíu polo colexio baixo teas brancas coma si foran a Santa Compaña. Ían recollendo almas (neste caso alumnos) a medida que percorrían o centro. Polo patio, a sala de profesores ou a biblioteca, todos se deixaron levar por esta procesión de mortos ben viviños. Recordamos que a Santa Compaña e unha tenebrosa procesión de defuntos encabezada por un mortal que na noite de Todos os Santos e na de San Xoán recorre os camiños e a quen se lle aparece non tarda un ano en morrer. «Trátase de recuperar a tradición galega e reivindicar os ritos e costumes propias», díxonos Raquel Aira, profesora de galego do instituto e encargada de coordinar as actividades de Samaín.
Procesión da Santa Compaña polo IES Cosme López
CEIP Condesa de Fenosa
[df-caption title="Baile e talleres no colexio Condesa de Fenosa" url="http://somoscomarca.es/wp-content/uploads/2017/10/somoscomarca_samain_condesafenosa_2017_10_31-3.jpg"]
Entre as actividades desenroladas no CEIP Condesa de Fenosa, houbo unha cuxa proposta foi feita polo concello e realizada polos nenos de 6º co obxectivo de facer unha exposición conxunta con todos os colexios da comarca.
A partir das 15:00 horas no pavillón do centro fixéronse diversos obradoiros nos que axudaron os pais dos rapaces. Pintura de caras, comida terrorífica, fotografía maléfica, xogo de bolos pantasmas, carreira de sacos, baile de esqueletos, lanzamento ó monstro tragabolas foron algunhas das actividades que fixeron desfrutar os nenos.
Por outra banda os rapaces do segundo ciclo fixeron lecturas baixo a luz das lanternas ou das velas para rememorar o Samaín.
CEIP Julio Gurriarán
[df-caption title="Actuación do Mago Teto patrocinado pola AMPA Aturuxo" url="http://somoscomarca.es/wp-content/uploads/2017/10/somoscomarca_samain_juliogurriaran_fiesta_2017_10_31-13.jpg"]
No Julio Gurriarán festexaron Samaín coa maxia e ilusionismo do Mago Teto, que culminou dúas semanas de traballo no que se decoraron aulas, talláronse cabazas cas que fixeron unha exposición, certame de contos de medo , baile e festa con rapaces vestidos de bruxas, mortos viventes, homes lobo, princesas zombi e un sinfín de disfraces.
CEIP Otero Pedrayo
[df-caption title="Os mestres e mestras do Otero Pedrayo de Viloira disfrazados para a ocasión." url="http://somoscomarca.es/wp-content/uploads/2017/10/somoscomarca_samain_oteropedrayo_2017_10_31-5.jpg"]
Toda a semana estiveron preparando a decoración, nas portas das aulas poíase ver ó sacauntos, ó demo, ás bruxas e diferentes persoeiros propios destas datas. O propio día de Samaín preparáronse obradoiros para que os nenos bailaran, saborearan comidas "terroríficas", tallaron cabazas e sobre todo disfrazáronse e pasárono ben.
Colexio Pablo VI Fátima
[df-caption title="Rapaces no HolyWins de Pablo VI Fátima" url="http://somoscomarca.es/wp-content/uploads/2017/10/somoscomarca_samain_pablovifatima_2017_10_31-2.jpg"]
No colexio Pablo VI Fátima celebraron o “HolyWins”, o que traducido sería máis ou menos os santos gañan. Unha alternativa dos centros relixiosos ao Halloween. Coa temática dos santos fixeron unha exposición de topónimos haxiográficos, é dicir, pobos que teñen no seu nome o dun santo. A labor de investigación levada a cabo polos rapaces levounos a conclusións moi sorprendentes, coma que Galicia é a comunidade autónoma española que ten máis topónimos deste tipo ou que Francia e o país con máis destes nomes.
Os traballos mostrados pretenden unir unha parte gráfica e outra cultural. Na exposición móstranse algúns deste nomes ca comarca a que pertencen nun mapa con debuxos feitos por eles. Na parte de lingua castelá e literatura investigaron a un escritor que nacera nunha localidade con nome de santo como por exemplo Pío Baroja que naceu en San Sebastián.. Tamén fixeron unha nube de palabras con nomes de Santo.
CEIP José Manuel Folla Respino
[df-caption title="Exposición de Samaín no colexio de Vilamartín" url="http://somoscomarca.es/wp-content/uploads/2017/11/somoscomarca_samain_josemanuelfollaresoino_2017_10_31-1.jpeg"]
Non faltou, no colexio de Vilamartín, o tradicional concurso de cabazas talladas na que os pais e nais tiveron tamén a súa achega, así como a tradicional festa e baile de disfraces de Samaín. Ademais os rapaces deste centro tiveron, na biblioteca, unha exposición de libros de medo e misterio, onde tamén se fixeron lecturas sobre esta temática. Ademais os alumnos coordinados polos deus titores confeccionaron un libro con debuxos e historias de medo que se incorpora ou biblioteca do centro.
Biblioteca de O Barco
Tamén a Biblioteca Florencio Delgado Gurriarán do Barco celebrou o Samaín. Primeiro co concurso de disfraces e coa festa que seguiu cun obradoiro de cociña exquisito-asquerosa moi propia. Despois de cear o Bruxo Maruxo contou unha historia de medo antes de ir á cama.
[df-caption title="" url="http://somoscomarca.es/wp-content/uploads/2017/11/IMG_7472.jpg"]