As Mulleres Rurais de Éntoma celebraron un ano máis a súa romaría, onde non faltou o xabaril guisado, o pan feito no forno de leña por elas mesmas ou a leite frita.
Son xa doce anos facendo esta festa, onde as mulleres da asociación preparan os pratos que se cearán na noite do primeiro sábado de outubro. O menu está composto por: empanadas de carne, bonito e acelgas, tortillas feitas con ovos de pitas da casa, chourizo cocido e sobremesa — tarta de queixo, leite frita, rosquillas, torta de conchos, bica—. Os viños son de Adega Roandi, e tamén hai licor café e auga.
Ao remate unha sorpresa en forma de diva amenizou a velada xunto cunha discoteca móbil.
Os nenos tamén disfrutaron nos inchábeis.
Chus, Tere, Elena e Rita falaron desta festa que leva doce anos celebrándose e segundo di o lema: «Na que mellor se come e na que mellor se bebe»