O Obradoiro de pintura mural do Barco de Valdeorras encara un ano máis a súa recta final. Nesta edición, os participantes decoraron o paso subterráneo que se atopa entre as rúas Santa Rita e Caleras. Aínda que o obradoiro ao principio non suscitou grandes expectativas, a medida que pasou o tempo, fóronse apuntando moitas persoas da comarca, chegando a ser dez alumnos aproximadamente.
Estivemos falando coas súas coordinadoras Eva Piay e Celia Rey para que nos explicasen en qué consistiu a actividade, e qué sabor de boca lles deixou de cara ao ano que ven. Ambas comentan que tiveron que improvisar en moitos aspectos da organización, pero que ao final todo saiu a pedir de boca. Podemos escoitar todo o que nos contan na seguinte entrevista.