A presente edición da Festa da Bica volveu a unir o Certame Cetibérico de Bandas de Gaitas co evento gastronómico. Mentres as gaitas baixaron a Trives na Festa da Bica , a bica subirá mañá a estación de montaña de Cabeza de Manzaneda .
As 12:30 horas do sábado 28 de xullo arrancou a cuadraxésima quinta edición desta festa gastronómica cun desfile de bandas de Gaitas. Desde a praza do Concello ata á de abastos, as bandas de gaitas Xuntanza de Cataluña, Real Xuvenil e Os Trintas desfilaron polas rúas da vila.
Francisco García Sánchez «Farruco» o pregoeiro «biqueiro»
Historiador e un gran coñecedor deste doce típico das Terras de Trives, as súas primeiras palabras foron para agradecer ó alcalde e á corporación a súa intervención e subliñou, «pensou que en min para facer esta locución por ser fillo de biqueiros e ter unha especial sensibilidade cara historia de Trives».Farruco deu os dos ingredientes da bica, falou da súa historia, da comercialización, da relación co modo de vida e coa economía, na que o gando era a principal fonte de ingresos . Tivo palabras de agradecemento para todos aqueles que «de unha maneira ou de outra loitaron e loitan por dignificar e dar a coñecer este doce alén destas terras».
Fixo mención os primeiros comercializadores da bica alá polos anos 40. Confitería Luciano, Farrapa y a de Carmen Perejil. Naqueles intres non tiñan forno e cocían no dos panadeiros.
Desde os anos 60 en que naceron Panadería Caneda y Almendro, ata os día de hoxe, Farruco fixo un repaso por todos aqueles que dun ou outro xeito fixeron da bica o seu modo de vida.
Os presentes oleron o arrecendo dunha bica recen feita a través das verbas de Farruco e ate a compraron para levar de recordo a algún familiar ou amigo pero sobre todo, sentiron o seu sabor no padal. Fixo que se trasladasen no tempo viaxando a aquela época onde os manteis coa carabela cubrían de cor e sabores Cabeza Grande. Un repaso pola historia e os sentimentos que a ninguén deixou indiferente e que os asistentes premiaron ao remate cunha gran ovación.
Xantar da bica
Ao redor de 600 persoas xuntáronse na carpa onde se serviu empanada, pulpo a feira, carne ao caldeiro, viño, bica e licor café. A charanga Nova Terras de Trives amenizou a comida e ao remate déronse o premios «Bica de Ouro». Os galardonados foron: Agrupación protección civil, Hostal La Viúda, Adega A Corga, Jorge Guerra, Chao do Couso, A.C. A caniceira, Motoclub Os Esquíos, Periódico O Sil, Carlos Temes, CD. Trives, Escolas Deportivas Trives e Elías Álvarez.
Ademais nos arredores montouse un mercado de artesáns da A.C. Tarabelada.
Estiveron presentes no xantar o alcalde —Domingo Rodríguez— e corporación de Trives y os alcaldes de Manzaneda, Félix Domínguez, A Veiga, Juan Anta, Viana do Bolo, Secundino Fernández, así como o responsable da estación de montaña Oca Nova Manzaneda Gustavo Samartín y José Luis Foxo, director da Real Banda da Deputación.