Comeza o Caviño de Inverno con gran expectación por parte dos catorce bares participantes: A Cervecería, A Tasca, Bravo Lux, As Piscinas Dipöp, Cafetería Luna’s, Mesón Poldo, O Café, Orballo, O’Recuncho, O’Retorno, Sport’s Café, Vinoteca Pepa, 4 Bar e El Patio. Esperan nestes tres días impulsar as vendas e que os participantes disfruten cos bos viños das vintedúas adegas que colaboran nesta segunda edición do Caviño. Cada establecemento comercial dispón de dúas marcas de viño o que obriga a percorrelos todos si se quere catalos na súa totalidade. Ademais os caldos estarán acompañados por pinchos especiais, por música e cantos de taberna. A Charanda Nova terras de Trives, Os palletas de Quiroga, Los Pamplinas de Ponferrada, Cantos de Taberna da Rúa e Banda de Gaitas Mencía de Toral de los Vados serán os encargados deste mester. Haberá sorpresas para os que fagan o roteiro e selen a “Compostela”; camisetas, sombreiros de peregrín, e miles de agasallos.
No acto inaugural participaban o concelleiro de cultura e deportes, Avelino Fernández, Asunción Arias, presidenta da Asociación de Amigos do Camiño de Inverno o seu paso por Valdeorras, o presidente honorífico desta asociación, Ramón García e o presidente do Consello Regulador da D.O. Valdeorras, Francisco García. Co nomeamento da Cooperativa da Rúa como “Cabaleiro Godello” arrancaba o segundo Caviño de Inverno ata o domingo 10 de xullo.