O alumnado do colexio de Vilamartín realiza o roteiro de Florencio

Desde Baxeles a Cógomo, os rapaces e rapazas do colexio Xosé Manuel Folla Respino de Vilamartín realizaron o roteiro de Florencio para coñecer as paraxes por onde camiñou o poeta.

Ademais de observar en plena natureza a flora e a fauna tamén levaban unhas tablets  que lle indicaban o nome e características do animal ou vexetación que estaban a observar así coma tamén recoñecía o cantar dos paxaros. Fernando Santalla foi a persoa que  estivo o tanto desta aprendizaxe.

Un paseo entre os viñedos de Córgomo fixo que a fame apretara e baixo a sombra das árbores comeron a merenda que levaban. E, é que o sol e o calor fixo das súas, nesta mañá do 13 de maio.

Xa por la vila de Florencio, Corgomo, percorreron ás rúas que xa están agardando engalanadas ese gran día, o 17 de maio, Día das Letras de Florencio. Visitaron a casa do poeta e escritor a quen  homenaxea este ano a Real Academia Galega, fotografáronse no novo mural realizado por Chere, viron a caldeira, a fermosa casa de Anxo Baranga con pinturas murais de escritores galegos como Rosalía de Castro .

A hora do xantar a praza da Casa do Pobo foi o lugar elixido para repor forzas e logo continuaron a visitar Córgomo.