Hoxe, mércores 15 de maio, a asociación De Nai a Nai organiza un obradoiro sobre extracción e conservación de leite materno, que será impartido por Antía Fernández. Ela é mamá, asesora de lactancia e enfermeira en obstetricia. «Falaremos sobre o leite materno, a lactancia e, como somos como unha tribu, teremos tamén testimonios persoais de mamás sobre todos estes temas».
O cuarto andar da biblioteca pública do Barco acollerá este obradoiro, esta tarde a partir das 17:30 horas. «Poder conservar o leite materno é un arma que temos as mulleres para poder reincorporarnos no traballo despois de ser mamás».
A entrada é libre e gratuíta para todas aquelas persoas interesadas en asistir.
Se quede escoitar a entrevista completa pode facelo no seguinte enlace de audio:
