O Otero Pedrayo disfruta de xogos tradicionais na inauguración de "21 días en galego"

O CEIP Ramón Otero Pedrayo de Viloira inicia o proxecto "21 días en galego". De feito, é o único da zona de valdeorras que participa nesta iniciativa impulsada pola Consellería de Cultura, Educación, Formación Profesional e Universidades a través da Secretaría Xeral de Política Lingüística.

A inauguración fíxose este 17 de xaneiro. O que se pretendía era «facela convidando a toda a unidade educativa, imos ter unha xornada de xogos populares galegos en colaboración do Centro de Cultura Popular Xaquín Lorenzo de Ourense. Faremos como si fora unha feira antiga, pero enfocada a xogos populares, entón eles tamén poden vir», explica Gemma Delgado, membro do equipo directivo. 

A este acto asistiu tanto o alcalde do Barco, Alfredo García, como a conselleira de Cultura, Margarita Pizcueta.

Aínda que o 6 de febreiro remate o programa, «o día 21 estaremos en Santiago cos outros 10 centros na Cidade da Cultura. Cada centro vai facer unha actividade para o resto, é dicir, é unha xornada de convivencia», explica a directora. Delgado engade: «Temos pensado un baile. A temática deste ano son os obxectivos de desenvolvemento sustentable da Axenda 2030». Dende o centro escolleran o obxectivo 15, «xestionar sosteniblemente os bosques, loitar contra a desertización, deter e investir na degradación das terras, deter a perda da biodiversidade».