lunes. 03.10.2022

«Un Madrugón pasado por auga»

Sobre uns trinta nadadores e nadadoras desafiaron á chuvia e o mal tempo baixando nadando desde a Capitana até a praia fluvial do Barco para cumplir coa tradición do Madrugón

VVDentro das Festas do Cristo, a primeira hora da mañá do día grande da festividade os máis valentes baixan a nado o Sil desde a zona de San Roque ata a praia fluvial, nas inmediacións do casino barquense. Nesta ocasión foron uns 30 participantes os que lle plantaron cara a auga.

A vixésimo oitava edición do Madrugón celebrouse «pasada por auga», como dixo bromeando o concelleiro de Deportes, Aurentino Alonso, que tamén participou nesta proba. E, é que a chuviosa mañá deste 14 de setembro, non desanimou aos participantes que se «mollaron» e, cumpriron coa tradición do Madrugón. 

Madrugón Festas do Cristo 2022 (21)
Pablo e Grit saíndo da auga tras a chegada á praia fluvial

Ás 8 da mañá, con puntualidade xermánica, os nadadores saíron da zona coñecida como A Capitana, no casaco vello do Barco para chegar até a praia fluvial.  Os participantes podían ir disfrazados e algúns así o fixeron.

Madrugón Festas do Cristo 2022 (27)
O concelleiro de Deportes, Tino Alonso, tamén se «mollou»

A chegada un agasallo do Concello e un chocolate con churros que se repartiu no pavillón vello, por mor da chuvia.

Madrugón Festas do Cristo 2022 (13)
Naya, a cupida deusa do amor, saíndo das augas do Sil

O primeiro en chegar foi Pablo Israel e detrás a súa dona Grit Hagen, ambos recibiron un agasallo especial. Martina Aller recibiu o premio á primeira nadadora menor de 15 anos e Amadeo Real ao primeiro nadador desta categoría.

Madrugón Festas do Cristo 2022 (10)
Martina Aller co premio a muller menor de 15 anos e a do bañador máis orixinal

Os premios individuais ao traxe de baño máis orixinal recaeron en dúas mulleres xa que os homes non se animaron a facer creacións orixinais, estes recaeron en Martina Aller, vestida de bailarina y Naya Venzal de «Cupida, deusa do amor». O premio a familia máis numerosa foi para Pablo Fernández e o do máis veterano para Turi (Careca).

Madrugón Festas do Cristo 2022 (12)
No centro da imaxe, turi, o nadador máis veterano deste Madrugón

Os premios especiais consistiron en xamóns e unhas cestas especiales feitas para a ocasión.

Sinalar que os nadadores foron acompañados polos piragüistas do Fluvial Barco que colaboran desde hai anos coa organización do Madrugón. Abren e cerran o traxecto e acompañan aos participantes por si ocurre algún percance. Tamén Protección Civil, GES e a Policía Local colaboran coas tarefas de seguridade.

Madrugón Festas do Cristo 2022 (18)
Madrugón Festas do Cristo 2022 (18)

«Moitas grazas por vir un ano máis. Este ano foi pasado por auga, pero pasámolo ben igual e divertímonos que era do que se trataba, polo tanto o da festa está cumplido e agora uns churros. A desfrutar!»

Madrugón Festas do Cristo 2022 (4)
Foto de familia do Madrugón

Vídeo da chegada á praia fluvial e recollida de premios.

«Un Madrugón pasado por auga»