)
O Campo da Festa, no Parque do Malecón do Barco, foi o escenario do segundo día das Xornadas, que retomaron a súa normalidade despois do falecemento do director da agrupación sudafricana, George Oflilant, a quen se lle adicou un minuto de silencio.
As máis de 1000 persoas que asistiron esta cita ca multiculturalidade da danza e da música permaneceron en rigoroso silencio durante ese minuto, no que ademais foron numerosos os asistentes que se ergueron coa man no corazón en sinal de respecto e dor.
O grupo de Sudáfrica, Amezebra, incorporouse onte, no Barco, ao programa das XXXVIII Xornadas de Folclore, tras o falecemento do seu director. A agrupación tomou a decisión de seguir a xira para «render homenaxe e lembrar» a figura do seu director, falecido en Ourense.
Estremeceron a súas voces en solitario, tanto a do home como a da muller que encheron a explanada da festa coa súa forza. Os 30 artistas interpretaron na primeira actuación unha danza que se realiza antes da caza e das batallas.
Os arxentinos do Ballet Folclórico Latinoamericano Santiago del Estero, Bafolse, foron os encargados de abrir as Xornadas no Barco. Logo dunha interpretación colosal do significado e o sentir do tango, a quenda foi para os ecuatorianos do grupo Tungurahua. Significar a presenza dun grupo emocionado de ecuatorianos que viven en Valdeorras aos que lles emocionou a actuación dos seus paisanos.
Os compoñentes das agrupacións de Ecuador, Sudáfrica e Arxentina ofreceron unha mostra do folclore de dous continentes diferentes que, a pesares dos miles de quilómetros de distancia, manteñen algunhas raíces común.
O Folclore chega a Manzaneda
A agrupación folclórica de Bolivia será a encargada de abrir a noite de danzas e músicas do mundo en Manzaneda. Bafopaz, actuará acompañado polas agrupacións folclóricas de Tahití e Ucraína que estiveron antonte na Rúa. Hoxe, 10 de agosto, ás 22, 30 horas no patio colexio de Manzaneda.
