Esta nova edición dos Xogos do Eixo Atlántico, que se celebran cada dous anos, foi inaugurada o pasado domingo 30 de xuño nos xardíns de Paços do Concelho de Vila Nova de Famalicão ás 17:00 horas (hora local) polo alcalde do Barco e presidente da Asemblea do Eixo Atlántico, Alfredo García.
O acto contou co desfile das delegacións que participan este ano e que reúne a preto de 2.400 inscritos, a cifra máis alta nos 30 anos de existencia dos Xogos.
As modalidades deportivas nas que se compiten son balonmán feminino e masculino, voleibol feminino, baloncesto masculino e feminino, natación e natación adaptada, atletismo e atletismo adaptado. Como novidade desta edición, ao Fútbol 7 masculino súmase Fútbol 7 feminino.
Representado a O Barco de Valdeorras, están nestes xogos 10 xogadores de baloncesto masculino, 10 xogadoras de baloncesto feminino, 10 participantes en atletismo masculino, e 10 en atletismo feminino.
Recepción dos xogadores no Concello do Barco
O pasado xoves, 27 de xuño, Alfredo García e Aurentino Alonso —concelleiro de deportes—, recibían a todos os xogadores no Multiusos do Concello do Barco. Xunto a eles atopábanse José Luis Gómez, Victoria, e Tinín González.
«Gracias e moita sorte. Sei que o idea facer ben e deixar a bandeira do Barco moi alta», aseguraba Alonso. Pola súa banda, o alcalde do municipio facía fincapé en que «o importante é participar porque tampouco sabemos o nivel dos rivais».
