A Deputación de Ourense vén de habilitar un novo sistema de comunicación cos pais e nais dos escolares que participan no programa EsquiOU, para que coñezan en tempo de real as diferentes actividades nas que participan.
Xunto coa información que a Deputación fai chegar aos participantes do EsquiOU, relativa a horarios, actividades, normas ou listado de materiais, xúntase un QR que os familiares poden escanear para ter acceso a un grupo de WhatsApp no que os propios monitores da Estación de Montaña de Manzaneda informan e documentan con imaxes as actividades que os rapaces están a desenvolver durante dito programa.
Esta nova liña de comunicación permitirá que os familiares estean informados en cada momento do que acontece durante a súa estadía en Manzaneda.
