domingo 22/5/22

A Virxe de Fátima volveu percorrer as rúas de Fontei acompañada por unha morea de fieis

Unha salva de bombas indicaba que se aproximaba a hora na que a Virxe de Fátima Patroa da parroquia de Fontei volvía saír as rúas despois de dous anos.

Moitos fieis para acompañar á Virxe de Fátima, nunha tarde calorosa na que o termómetro marcaba 31º. Había ganas de procesionar ca virxe portuguesa. O estandarte diante, por tras a Cruz e logo os nenos vestidos de primeira comuñón, e entre eles e a virxe o párroco e tamén puidemos ver ao alcalde da Rúa, Álvaro Fernández.

Ás 19.00 horas saía da igrexa para coller pola rúa da Fonte cara a a capela do Santo. Baixou a virxe engalanada con calas pola rúa Ramona Ojea, onde como é tradicional Elvira botoulle os pétalos de rosas desde a balconada da casa. Logo de pasar pola praza de Enriqueta Casanova, calle abaixo por Telesforo Ojea até chegar ao barrio da Estación desde onde a procesión volveu a igrexa por Padre Feijoo.

No adro o adeus cos panos brancos a unha virxe a que os veciños de Fontei teñen auténtica devoción.

A Virxe de Fátima volveu percorrer as rúas de Fontei acompañada por unha morea de fieis