Trala presentación da cuarta edición do Caviño de Inverno, na praza do Concello de A Rúa, por parte do alcalde da Rúa Luís Fernández Gudiña, da presidenta da Asociación Amigos do Camiño de Inverno de Valdeorras, Asunción Arias «Asun» y do presidente da DO Valdeorras, José Luis García Pando, os bares enchéronse de xente disposta a conseguir a súa particular «Compostelá».
Pese a intensa choiva que caeu as 21:30 o Caviño seguiu o seu paso y os que nese momento andaban por el —que se contaban por centos— seguiron ata altas horas da noite.
Cada Bar serviu un viño diferente que acompañou con un pincho elaborado especialmente para a ocasión. Coa degustación do viño o establecemento hostaleiro puxo un selo na credencial —creada especialmente para a ocasión—, segundo o número de selos que se conqueriron houbo diferentes agasallos.
Así, con 4 selos —tiveron que ser de diferentes bares— o agasallo foi un sombreiro filarchado. Con 8 conseguíase unha camiseta do Caviño, con 10 unha guía do Camiño de Inverno e con 14 a Compostelá que daba dereito a participar no sorteo de 20 cursos de cata de viños e 6 visitas a adegas da comarca.
Nesta cuarta edición participan 16 establecementos comerciais con outros tantos viños. En O Café o viño que se pudo degustar foi Viñaredo de Adega Santa Marta. En Cafetería Stop, D´Berna, de Adega Guitián y Blanco. En Bar Burguer Vikingos, Viña Costeira da adega do mesmo nome. Na Cervecería, Cinco Generaciones de Maigar. O Bar O Retorno deu aos visitantes Sampayolo. O Pillabán, Melillas. Tapería Orallo, Rúa de Cooperativa Rúa. A Lareira Galgueira de Germán Rodríguez Prada. La Bar-Bería, A Cigarrosa de Bodega Franciso Fdez. El Patio, Joaquín Rebolledo, Bar Norte Alan de Val. Bravo Lux, Quinta da Peza. Sports Café, Viña Costeira. Bar A Esquina, Ladera Sagrada. As Piscinas Dipop, A Coroa y O Refuxio, Bioca.
Ademais o que leve o mellor disfraz de peregrino recibiu unha cea gratis para dúas persoas.
Durante todo o recorrido polo Caviño houbo animación musical con grupos coma Os Bertolini, Os do Recanto, Os Palletas, Uoruxobruxo Abertal, As Macizas Centrais, Paulo GonÇalves… O Tren Chuchú andivo por toda A Rúa carrexando a nenos e maiores.
O Caviño de Inverno xurdiu da iniciativa privada dos hostaleiros da Rúa e da Asociación Sociocultural San Cristóbal, para promocionar os viños da zona e o Camiño de Inverno.