Se o sábado pasado era Vilamartín quen recibía os folións na nosa comarca este, tocoulle a quenda a Petín. Catro folións desfilaron e fixeron soar aixadas, bombos, rodos, tambores e demais aparellos agrícolas polas rúas do pobo.
Desde o toural até a praza a Asociación Cultural Folión Carracedo da Serra, Os viticultores de Vilamartín, Folión de Tameirón e os anfitrións, o Folión de Petín, desfilaron e pasarono estupendamente ben.
As 20:00 horas, os de Petín agasallaron cunha merenda aos visitantes, na que ademais de tortilla, chourizo, xamón, queixo, empanada, houbo moitas lambonadas: bica, torta de roxóns, tarta de mazá e para rematar un riquísimo chocolate, feito por un dos membros do folión.
O pasado sábado foi o outro folión que hai en Petín «Arrieros» o que invitou os folións achegados, e tamén acabaron merendando na Casa da Cultura despois das actuacións.
O Xoves de
comadres o son do Entroido deixarase ouvir de novo polas rúas do concello, como
ven sendo habitual nos últimos anos.