O alcalde do Barco, Alfredo García, acompañado pola concelleira de Promoción Económica, Turismo, Comercio e Consumo, Irene Dacal e Sandra Moldes presidenta da Asociación Centro Comercial Aberto, inauguraron o mercado de oportunidades «Mercaberto», que este vai pola novena edición.
Queda por diante xornada e media de compras a baixo prezo, nos 13 postos que este ano forman parte do «Mercaberto». Ademais das compras, os visitantes poderán participar nas actividades que a asociación que preside Moldes ten preparadas. Sen ir mais lonxe, esta noite a actuación do grupo “Clon Bois” a partir de las 23,00 h., na praza José Otero.
Mañá as 11:00 h. o “Mercaberto” voltará a abrir ata as 14:00 h. A tarde os postos estarán activos desde as 17:00 h. e a partir de las 20:00 h. os mais pequenos poderán participar nas actividades de animación infantil, como maquillaxe ou música.
No acto inaugural Sandra Moldes agradeceu a colaboración e o apoio do Concello na actividade que se estaba inaugurar e en todas as que se fan o resto do ano, tamén agradeceu a presenza dos asociados no mercado de oportunidades xa que, «fan un gran esforzo ó formar parte desta actividade alongando as horas de traballo», sinalou Moldes.
Alfredo García pola súa banda tamén agradeceu os comerciantes a súa presenza no mercado e o Centro Comercial Aberto, todas as actividades que realizan ao longo do ano, «non me canso de dicir e quero repetilo todos os anos; a importancia que ten para O Barco e para toda a comarca o noso comercio. Está a altura de calquera establecemento de calquera cidade e iso é única y exclusivamente grazas a vos, ó esforzo que facedes para ofertar os vosos produtos os vosos clientes. Creo que é o camiño, hai que seguir así, fidelizando a xente de Valdeorras para que compre na comarca», asegurou Alfredo García no acto inaugural, no que quixo deixar claroa aposta polo comercio local.
O Mercaberto cerrará as portas o sábado pola noite despois das actividades para os nenos.