O campus de fútbol mixto de San Xoán de Río sobe ata Manzaneda na súa terceira edición
O campus, organizado polo Concello de San Xoán de Río, celebrarase en dúas quendas: do 7 ao 20 de xullo e do 21 de xullo ao 3 de agosto. Está dirixido a nenos e nenas de entre 5 e 16 anos e será totalmente gratuíto para todas as familias participantes.
As sesións estarán impartidas por xogadoras profesionais, que achegarán non só coñecementos técnicos, senón tamén referentes femininos que contribúen á promoción da igualdade real desde idades temperás. Ademais, para facilitar a participación das familias de toda a contorna, o Concello porá a disposición un servizo de autobús diario.
Según indica el alcalde de San Xoán de Río, Xosé Miguel Pérez Blecua este campus non só promove o deporte e a convivencia, senón que transforma o rural en escenario de futuro. Manzaneda simboliza o alto onde queremos levar os soños da nosa mocidade.
A iniciativa conta co apoio da Xunta de Galicia, a través da Consellería de Política Social e Igualdade, o programa Corresponsables do Goberno de España, a Deputación de Ourense, a Estación de Montaña de Manzaneda e o Consorcio de Turismo da Ribeira Sacra.
As inscricións poden formalizarse no propio Concello ou chamando ao número 988 34 60 02.