Trasladada ao hospital tras sufrir un accidente en Barxa (O Bolo)

Unha muller resultou ferida este luns 27 de outubro en Barxa, aldea do concello do Bolo, despois de sufrir un accidente co seu vehículo pouco antes das 16:30 horas.

Segundo fontes de emerxencias, o coche da vítima, veciña da localidade, circulaba por unha das fortes costas que caracterizan o núcleo de Barxa cando rematou «índoselle o coche e impactando de fronte contra a fachada doutra vivenda» situada a un nivel inferior.

Nun primeiro momento, existía preocupación tanto polo estado da muller como pola imposibilidade de abrir a porta do vehículo. Por iso foron mobilizados os Bombeiros da Rúa, o GES da Veiga, Protección Civil do Bolo e unha dotación do 061. Tamén se desprazou a Garda Civil de Tráfico.

Finalmente, lograron abrir a porta e comprobaron co cal comunicóuselle aos bombeiros que non era necesaria a súa intervención «é un ha aldea que está bastante lonxe e ao non ser preciso a súa actuación era mellor que quedaran na base por si pasaba algo» explican desde emerxencias.

Unha vez se logrou abrir o vehículo, púidose acceder á ferida. A muller non se atopaba atrapada, pero permaneceu no interior ata a chegada dos servizos sanitarios.

A primeira ambulancia tivo un contratempo e foi necesaria a mobilización dunha segunda, o que demorou lixeiramente a asistencia. A ferida foi finalmente trasladada ao Hospital Comarcal de Valdeorras para avaliación médica.

No operativo participaron efectivos da Garda Civil de Tráfico, 061, GES da Veiga, Bombeiros da Rúa e Protección Civil do Bolo.