Os traballos realizados no Merendoiro xa se poden ver na Casa do Río Cigüeño do Barco

Na tarde do xoves 29 de xuño inaugurábase unha mostra dos traballos e creacións que as persoas participantes no Merendoiro realizaron durante estes meses. Pódese ver creacións literarias, bordado de fotografía, ilustracións ou colage.

A apertura estivo contou coa presenza do alcalde do Barco, Alfredo García e o concelleiro de Servicios Sociasis, Orlando Saavedra quen explicou a Somos Comarca:

“O Merendoiro” é o programa de lecer alternativo e creativo que a Concellería de Servizos Sociais, Sanidade e Igualdade do Concello do Barco de Valdeorras puxo en marcha o pasado mes de abril.

Naceu coa idea de compartir, e durante estes case dous meses os participantes compartiron «merenda, materiais, mesa e tempo». Pensouse coma un lugar para a reflexión e a creación onde se «aprendeu facendo, rindo, coñecéndose e falando».

Percorrimos a esposición con Araceli Macías da cooperativa Outonía coordinadora do proxecto.

Nesta primeira edición houbo un total de 9 obradoiros que superaron as 150 inscricións. Para saber como continuar, e coñecer os intereses que ten a mocidade do Barco de Valdeorras en relación ás oportunidades de lecer, abriuse unha enquisa de participación, accesible na seguinte ligazón: https://forms.gle/LEp25cprkiE36rNn9

Un fanzine do proxecto, onde se recolle a experiencia deste programa e distintos relatos sobre como os Obxectivos de Desenvolvemento Sostible e o lecer teñen relación, entrégaselle a cada persoa que vai pola Casa do Río Cigueño.

 Outonía foi quen coordinou o proxecto que fixo que O Merendoiro se convertise no punto de encontro entre xente con inquedanzas que foron quen de crear un espazo onde compartir e desfrutar.

Esta primeira edición do programa foi posible grazas ao financiamento da FEMP (Federación Española de Municipios e Provincias) e o Instituto de la Juventud (INJUVE) do Ministerio de dereitos sociais e Axenda 2030.