Concentración en O Barco para mostrar o apoio ao pobo de Palestina

Pasaron xa nove semanas desde que se iniciou o conflito entre Israel e Palestina. Onte, na Praza do Concello do Barco de Valdeorras, tivo lugar unha reunión que tiña como principal obxectivo mostrar o apoio ao pobo palestino.

Podíanse ver pancartas co lema: «Paremos ou xenocidio, Galicia con Palestina». Ou tamén: «Non é unha guerra, é un masacre».

No manifesto lido no día de onte, criticouse tanto ao actual Goberno autonómico como o nacional. «Aínda non conseguiron que quen nos goberna dea un paso á frente para aplicar desinvestimentos e sancións contra o estado de Israel», explícase. 

Aínda que tamén se puxo foco na parte positiva de realizar protestas con convocatorias semanais durante estes máis de dous meses. «Demostrouse, de maneira extensa, que o pobo galego non compra esa folla de rota, nin o repulsivo relato mediático», valoran durante o acto. 

«Desde as organizacións convocantes destas mobilizacións cremos firmemente que a presión na rúa debe continuar», dise no manifesto. 

Por tanto, anunciaron que o vindeiro domingo 17 ás 12h convocouse outra gran manifestación nacional desde a Alameda de Santiago de Compostela. Aínda que non se saben máis detalles, xa que serán anunciados nos próximos días.