O alumnado do Conservatorio e da Escola de Música celebraron o Día da Paz no Teatro Lauro Olmo

Percusión, vento, corda e canto nun magnífico concerto que abraiou a un público entregado

Coma non podía ser doutro xeito, os alumnos do Conservatorio e da Escola de Música do Barco celebraron o Día Escolar da Non Violencia e a Paz cun concerto no Teatro Lauro Olmo TLO. O Conxunto Guitarra, foi o encargado de inaugurar o certame coa canción de Police Every Breat You Take, eran as 20:00 do 30 de xaneiro.

Logo sonou Imagine de John Lennon nas voces de tres rapazas que interpretaron a mítica canción coma os anxos. Lucía Fernández Grande deixou atónitos, co son do saxofón, os que escoitaban no patio de butacas. Estivo acompañada ao piano polos profesores do conservatorio e tocou o tema de Alain Crepin, Progressions.

En cuarta posición actuou Nicolás Martínez Mallo facendo soar á percusión,
Luz de primavera 3ª Variación de Jorge Pons. Na Frauta traveseira sonou o tema Giga da Sonata Op.13 nº1 de Vivaldi interpretada por Javier Fernández Monteiro. Joel Rodríguez Vega, tocou coa trompeta Allegro da Sonata Op.18 para Corneta e Piano de Thorvald Hansern

Largo, Allegro e Vivace da Six Sonates de Galliard sonou no trombón de Manuel Vila Simón. Do saxofón de Joaquín Arias Delgado sairon as notas que deixaron ouvir Suite Helénica de Pedro Iturralde. Mauro Docampo Gacio tocou a Alborada de Pontecandelas á gaita. Pechou o concerto o
Coro de Voces Brancas interpretando La vida hermosa es de Olga García Álvarez

Impresionante o silenzo que houbo no Teatro Lauro Olmo, durante a hora que durou o concerto, soio roto pola música e as voces dos rapacezs e rapazas e polos aplausos de un público entregado que encheu o TLO.