A video conferencia terá lugar o venres día 4 de decembro, as 9:30 horas
A Asociación Empresarial de Valdeorras — AEVA —, en colaboración coa Dirección Xeral de Emprego, Traballo Autónomo e Economía Social, ten programada unha vídeo conferencia para informar das Axudas dos Programas "Rescate autónomos" e "Mantemento do emprego e apoio ao sector hostaleiro" que habilitou a Consellería de Emprego e Igualdade.
As axudas, publicadas no Diario Oficial de Galicia os días 18 e 27 de novembro, van dirixidas a autónomos que teñan recoñecido o cese de actividade, ou cuxa actividade estivera especialmente paralizada como consecuencia da pandemia, e microempresas e autónomos que teñan ou houberan tido traballadores en ERTE e acrediten unha baixada da facturación de polo menos un 45% no ano 2020.
A video conferencia de Aeva terá lugar o venres día 4 de decembro, as 9:30 horas, e a relatora será Covadonga Toca Carús, Directora Xeral de Emprego, Traballo Autónomo e Economía Social, que fará una exposición polo miudo das citadas axudas e, posteriormente, abrirá un turno de preguntas para resolver as dúbidas que plantexen os asistentes.
