Valdeorras convírtese na capital da cultura galega para festexar a poesía de Florencio

16 de mayo de 2022 (10:35 h.)

A aldea natal de Florencio leva semanas recibindo visitas e a veciñanza e o Concello de Vilamartín ultiman os preparativos para o evento do 17

O traballo realizado pola veciñanza de Córgomo e o Concello de Vilamartín de Valdeorras nas últimas semanas xa deu os seus froitos e darse un paseo por Córgomo vai ser un dos principais atractivos destas Letras Galegas 2022 nas que é homenaxeado o seu paisano Florencio Delgado Gurriarán.

Novos empedrados, flores, murais, decoracións en fiestras e balcóns… Non falta nada e incluso restaurouse a portada con escudo da casa da Cruz onde naceu o poeta e na que se recreou o seu patio interior cunha pintura mural.

O alcalde da vila, Enrique Álvarez Barreiro, amosouse moi agradecido co esforzo da xente de Córgomo e destacou que o Día 17 todas as miradas están postas no municipio e en Valdeorras.

E para velo terán convidadas de excepción, as tres fillas de Florencio que chegaron o pasado sábado dende México e os EE.UU. onde viven. Celia, Maruxa, Carmiña e mais o fillo e a nora desta, Roberto e Sarah, estarán ata o próximo mércores en Valdeorras, desfrutando dun reencontro coas raíces de seu pai e de toads as homenaxes que está recibindo. De feito, o primeiro que viviron ao chegar foi o serán poético organizado polo Colectivo Barullo no Barco o pasado sábado e onde poideron escoitar poemas de Florencio e de novos artistas valdeorreses.

Axenda semana das letras

LUNS 16

10.00 Roteiro Córgomo co CEIP Condesa de Fenosa do Barco dende Baxeles
12.00 Exposición Primaria, presentación no CEIP Virxen do Camiño, Rubiá
13.00 Exposición Secundaria, presentación no IES Cósme López A Rúa
19:00 Concerto Sr. Jingles. Exterior do Teatro Lauro Olmo
20.00 Concerto das Letras do Consello da Cultura Galega. Zoar Ensemble
22.00 Recepción e cea cos familiares de Florencio e membros da RAG

MARTES 17

11.00 Teatro Lauro Olmo acto central da Xunta
12.30 Petín, Concerto de Acordeireta
12.30 Sesión extraordinaria da RAG en Córgomo
14.00 Florenciada, xantar popular polas ráus de Córgomo con cantos de adega
18.00 Concerto na Aira dos Bolos do grupo Acordeireta
20.00 Tras os Vieiros de Florencio, Fantoches Baj no Teatro Lauro Olmo

XOVES 19

19.00 Contacontos: Vendimando Versos. Biblioteca O Barco

VENRES 20

10.00 Roteiro en Córgomo. CPI Tomás Terrón Mendaña, Carballeda de Valdeorras

Etiquetas