Juan Anta: «É o momento da reivindicación de que os pobos seguen con vida»,

Ao acto inaugural de Crianza Trevinca, a feira agroalimentaria da Veiga, asistiu unha ampla representación da política local, provincial e rexional, entre os que se atopaba o presidente da Deputación de Ourense, Luís Menor; a xerente do Inorde, Emma González; o director de Axencia Galega da Calidade Alimentaria —Agacal—, José Luis Cabarcos; e a presidenta do PP de Galicia, Paula Prado.

Tamén estiveron presentes a deputada provincial e delegada especial para Valdeorras, María del Carmen González, o deputado de Dinamización do Medio Rural, Xosé Miguel Pérez Blecua, e máis de 20 alcaldes e alcaldesas das comarcas de Valdeorras, Trives, A Limia e Baixa Limia.

Crianza Trevinca celebrase durante toda a fin de semana. Ao longo dos dous días que dura a feira poderanse ver oficios tradicionais como o arado con bois, a malla ou a elaboración de augardente. Haberá unha exposición de tratores —algún de máis de 80 anos—,carros, apeiros de labranza e por suposto, gando.

A Real Banda da Deputación de Ourense puxo a música na xornada inaugural, na que non faltou o antigo himno de Galicia e  logo percorreu o recinto. Tamén participou a Banda de gaitas e Pandereteiras da Veiga. Se queres escoitar as pezas da Real Banda e o desfile polo recinto, preme aquí.

O descursos inaugurales correron a cargo do anfitrión, o alcalde da Veiga, Juan Anta; o presidente da Deputación, Luís Menor e o director de Agacal —Axencia Galega de Calidade Alimentaria», José Luís Cabarcos, conducindo e presentanto o acto, Raquel da Veiga.

Anta: «É moito máis que un evento de calquera clase, é e o momento da reivindicación de que os pobos seguen con vida»,

Despois de  agradecer a presenza de autoridades comarcais,  provinciais e rexionais o alcalde da Veiga Juan Anta, reivindicou o carácter da feira e tamén deu ás grazas aos gandeiros, aos dos postos, ao persoal do concello e a toda a xente que fixo posible o evento.

«Esta feira nace porque creemos nas nosas raíces», comezou o seu discurso inaugural , no que resaltu, ademais, «Creemos saber de onde vimos e onde queremos ir, cremos en xente como os gandeiros que son a alma do territorio e que fan todo porque siga vivo».

Non faltou a mención aos maiores, os que Anta implica nas actividades que se fan desde o seu Concello e nos que pensou á hora de proxectar á feira e segundo pon de relevo, «significa que a xente maior se emocione cando chega aquí, porque ve oficios que hai moitos anos que non vía». «E moito máis que un evento de calquera clase, é o momento da reivindicación de que os pobos seguen con vida», subliñou.

No capítulo de agradecementos comezou polos gandeiros, «son a alma do territorio»; aos dos postos «os da maquinaria, os dos oficios tradicionais...»; para as autoridades entre as  que se atopaba o director de Agacal, aos compañeiros alcaldes de «un montón de  concellos», a secretaria do Partido Popular, a xerente do Inorde, e sobre todo o pueblo e a xente, porque esta feira e vosa».

Paro o presidente da Deputación tivo unhas palabras directas e especiais: «é a primeira vez que estás aquí desde que es presidente. Confío plenamente no presidente da Deputación, confío plenamente nunha persoa traballadora e honrada que sempre está disposto  a colaborar e cooperar cos concellos, por iso na Veiga terás un aliado como sei que na Deputación A Veiga tamén o terá».

Os traballadores do Concello tamén requiriron por parte do alcalde os aplauso maior para un «equipo multidisciplinar, porque cando onte chegabas por aquí vías a auxiliar administrativo anotando as vacas, a traballadora social colocando os carros, o xefe do GES o día festivo ás dez e media da noite chámalo e aí está para reunirse para ver o que se pode facer, e a Raquel que odia presentar pero que sempre ten que presentar e que sempre ten ese sorriso a pesar do esforzo destes días e o noso equipo de goberno que entre todos facemos  posible esto».

Menor: «Crianza Trevinca da Veiga como exemplo para recuperar, manter e conservar viva a memoria da tradición rural»

O presidente da Deputación participou na xornada inaugural dunha feira que, dixo, reivindica a singularidade dun territorio, esencial para comprender o xeito de vida nestas terras", falando expresamente da montaña e da gandería

Agradecido pola invitación a visitar a exposición, Luis Menor recoñeceu o orgullo que debe sentir un alcalde cando, como no caso desta feira, "reivindícase a singularidade dun territorio como A Veiga, singularidade esencial para comprender o xeito de vida nestas terras", falando expresamente da montaña e da gandería.

Advertiu que un pobo sen memoria "vai camiño de perder a súa identidade", polo que abogou por celebracións como esta para manter vivos os costumes, a cultura artesanal e de oficios tradicionais "dos que aquí tendes moitos e variados exemplos". Neste sentido, Menor ratificou o apoio da Deputación a canta iniciativa teña como principal obxectivo "manter vivos os nosos xeitos de vivir".

Cabarcos: «Moitas oportunidades vencelladas a ese rural con vida que desexamos desde a Consellería»

O director de Agacal —Axencia Galega de Calidade Alimentaria», José Luís Cabarcos, da que dependen as denominacións de orixe e as indicacións xeográficas de Galicia, subliñou o tesón con que o alcalde da Veiga está recuperando o territorio abandonado e puxo por exemplo «os prados recuperados, a aldea modelo de Meixide que tamén viu esa oportunidade ou o futuro polígono agrario e moitas oportunidades vencelladas a ese rural con vida que é o que desexamos desde a consellería de Medio Rural».

Felicitou ao alcalde e a todo o seu equipo  «porque esto e verdade que non se fai só, pero si que un alcalde co liderazgo e cas ideas claras como as que ten Juan a Veiga ten máis futuro»

Prado: «Reafirmo o meu compromiso co rural e coa comarca de Valdeorras»

A secretaria xeral do Partido Popular de Galicia, Paula Prado, reivindicou na Veiga o compromiso do PPdeG co rural e coa comarca de Valdeorras, no marco da III Exposición Agrogandeira de Trevinca, Crianza Trevinca, que se celebra esta fin de semana no concello da Veiga.

Na súa primeira visita á Veiga desde que é secretaria xeral, felicitou ao alcalde, Juan Anta, pola exemplar xestión do seu municipio, que o levou a acadar máis dun 76% nas últimas eleccións locais e 6 dos 7 concelleiros. Un resultado que, segundo a número dous dos populares galegos, demostra que o PPdeG está apegado ao territorio en toda Galicia, liderando cidades como Ferrol ou, no outro extremo da Comunidade, acadando varias maiorías fortes na comarca de Valdeorras.

Prado exemplifica isto coas medidas do Goberno de Alfonso Rueda para facilitar o asentamento e os servizos no rural, como son as casas niño, as casas do maior, a política de impostos cero no rural, os polos de emprendemento, as axudas ao agro, as concentracións parcelarias ou os preto dun cento de centros de saúde renovados.