O Grupo nacionalista ratificou a proposta da Asemblea Local para que a exalcaldesa encabece unha vez máis a súa candidatura A Rúa
O Consello
Nacional do Bloque Nacionalista Galego reunido en Compostela na mañá de hoxe, sábado
9 de febreiro, vén de ratificar a proposta da Asemblea Local do BNG da Rúa para
que María González Albert sexa a súa cabeza de cartel nas eleccións municipais
do próximo 26 de Maio.
Albert foi a
primeira muller en ostentar o cargo de alcaldesa da Rúa, posto que ocupou entre
os anos 2015 e 2017. O BNG aspira a revalidar e mellorar os seus bos resultados
na vila valdeorresa nesta convocatoria electoral de 2019.
A prioridade neste momento e conformar a lista para intentar sacar os mellores resultados posibles para continuar o que empezaron hai catro anos. «Queremos que haxa una certa continuidade nas lista, pero tamén unha renovación», sinalaba Albert ao respecto.
Falamos con María
Albert nada máis coñecer a nova para que nos fixera unha valoración destes catro
anos do concello e isto foi o que nos contou:
«O primeiro ano
foi unha toma de contacto, houbo que aprender moito, tomar as rendas do
concello, por moitas cousas o día; e, unha vez que estaba encamiñado cambiamos
de alcaldía polo acordo de goberno que tiñamos», apunta Albert sobre os
primeiros dous anos como alcaldesa.
Respecto aos
proxectos prioritarios, Albert asegurou este medio que, están: o arranxo do
problema de abastecemento de auga para a vila, a limpeza diaria das rúas que
«preocupa tanto a veciñanza», afrontar o proxecto do Aguillón e o PXom.
Maria González Albert naceu na Rúa en 1977. É licenciada en xornalismo pola Universidade de Santiago de Compostela e nos últimos anos veu desenvolvendo a súa labor profesional na vila valdeorresa no campo da repostería creativa.