A Xunta de Goberno da Deputación de Ourense aprobou na reunión celebrada esta mañá un total de 104.000 euros en axudas para concellos e entidades da provincia de Ourense destinadas a temas de cultura e infraestruturas. Así o informou a deputada de Transparencia e Goberno Aberto, Montserrat Lama, quen deu conta dos acordos da Xunta de Goberno correspondente ao venres 1 de setembro.
En concreto, no apartado de cooperación con entidades da provincia de Ourense, a Xunta de Goberno aprobou unha axuda de 2.000 euros para a Asociación Local de Pensionistas e Xubilados (UDP) da Rúa-Petín, destinada a gastos de funcionamento da entidade.
En materia de cooperación cos concellos, na reunión aprobouse unha axuda para o Concello da Rúa de 10.000 euros destinada ao ascensor no Centro de Saúde do municipio.
Por outra banda, a Xunta de Goberno aprobou a resolución da convocatoria de axudas a concellos para a organización de actividades culturais e recreativas correspondentes ao ano 2017. Na resolución concedeuse un total de 99.998 euros en 91 actividades culturais a desenvolver en diferentes municipios da provincia de Ourense.
