O Concello de Trives premiou o esforzo e os logros dos rapaces das Escolas Deportivas

A recén nomeada

alcaldesa, Patricia Domínguez xunto ó concelleiro Miguel Sierra déronlle aos ós

deportistas un trofeo e unha foto de recordo da gran tempada realizada

A alcaldesa de Trives, Patricia Domínguez Barja e o concelleiro Miguel Sierra Fernández, recibían aos nenos e nenas das escolas deportivas municipais e ao seu adestrador Tino Sierra, para agasallalos polo esforzo realizado e os resultados conseguidos.

Recordamos que o pasado 1 de xuño, unha nena e tres nenos participaban nas pistas de aire libre do Estadio Gregorio Pérez Rivera de Lugo no Campionato Galego Sub-10 e Sub-12 de atletismo. Os rapaces que pertencen as escolas deportivas municipais do Concello da Pobra de Trives acadaron moi bos resultado nestas probas, chegando un deles, José Hervella  a ser suncampión galego en 1000 ml. Xunto a el tamén estaba os seus compañeiros Marcos Basalo, que acadou o terceiro posto en relevos, correndo no equipo do ADAS do Barco; Aitor García que foi  4º en lanzamento de peso e décimo primeiro en lanzamento de pelota e Zaida Fernández que acadou o posto sexto e décimo segundo nas mesmas modalidades que Aitor.

A recen nomeada alcaldesa quixo premiar o esforzo e a boa representación que fixeron da vila durante o campionato galego. Non se esqueceu de premiar ó resto de rapaces e rapaces das escolas deportivas polo empeño e ilusión coa que participaron nas distintas competicións

Desde o Concello de Trives déuselle a cada «pequeno gran atleta» un trofeo e unha foto de recordo desta gran tempada, na que foron moitos os logros conseguidos e os podios gañados.

Patricia Domínguez agradeceu a laboura dos nenos, pais, nais e adestrador: «Noraboa a todos polos esforzos que fan e por superarse cada ano máis, noraboa e gracias tamén aos pais e nais pola implicación en cada entrenamento e en cada unha das probas nas que os cativos asisten e por suposto ao seu adestrador Tino Sierra pola implicación que ten e por toda esa enerxía e positividade que transmite aos rapaces ademais das boas marcas acadadas».

Fotos cedidas polo Concello da Pobra de Trives