Máis dun cento de rapaces e rapazas participaron o pasado sábado na proba deportiva que se celebra con motivo das Festas de San Bartolo na vila
A quinta edición da carreira de San Batoliño celebrouse o pasado sábado, 24 de agosto, dentro das actividades do verán, na Pobra de Trives. Os arredores da praza de abastos foron o escenario desta actividades deportivas, na que participaron máis dun cento de nenos e nenas.
A categoría que máis éxito tivo, en canto ó número de corredores se refire, foi a das idades comprendidas entre os 5 e os 7 anos.
Desde unha hora
antes do inicio das probas, os participantes fóronse achegando a facer as súas inscricións.
A primeira das carreiras comezou ás 19:00 horas.
Desta volta animáronse
varios pais dos cativos a participar na categoría de 14 anos en adiante Ademais,
claro está, de bo número de rapaces e rapazas, que estiveron moi activos,
Nesta carreira
non competitiva todos os participantes obtiveron a súa medalla que lle foi
imposta pola propia alcaldesa, Patricia Domínguez. A medida que ían chegando á
meta, a primeira concelleira foille entregando o premio.
Desde o concello valórase moi positivamente o San Bartoliño, tanto polo número de participantes como pola boa acollida e implicación de pais e nenos. «Cada ano son máis os inscritos e este ano chegouse ao centenar de corredores distribuídos en cinco categorías, que dependendo da idade percorrerían diferentes distancias», aseguran desde o Concello da Pobra de Trives.
San Bartoliño deixou un ano máis as rúas cheas de deporte e bo ambiente festeiro.