sábado. 25.06.2022
Terras de Trives

Trives camiñou contra a violencia de xénero

O Concello de Trives conmemoraba o Día Internacional contra a Violencia de xénero cunha camiñada, o domingo 25 de novembro, coincidindo coa data da celebración.

 

 

O Centro de Información ás Mulleres (CIM), do Concello da Pobra de Trives, un ano máis, promoveu a andaina, «Sempre libre e sempre viva!». A singularidade da camiñada foi a aparición, ao longo de todo o traxecto, de carteis con escritos coma: «si, é si... Non e non», «Un total de 966 vítimas mortais da violencia machista desde o 1 de xaneiro de 2003» ou «Se te controla, non é amor é violencia». Unha ruta marcada por mensaxes polos dereitos da muller a vivir sen agresións.

 

 

Tiña a súa saída ás 11:00 horas desde a Praza do Concello e remataba ás 12:30 horas, na Praza do Pilón, onde se daba lectura do manifesto. Tras gardar un minuto de silencio o Orfeón Trivés interpretaba «El peso del alma»

 

 

No acto ó que se sumou a veciñanza de Trives manifestando a súa repulsa contra as violencias, tamén estivo gran parte da corporación así como o propio alcalde, quen participou activamente e agradeceu aos veciños a súa implicación, sinalando ao respecto, «porque isto nos compete a toda a sociedade».

A Torre do Reloxo de Trivés tamén luciu unha bendeira nedra en repulsa a violencia de xénero.

Comentarios
Trives camiñou contra a violencia de xénero