Celavente celebrou o décimo aniversario da súa Ruta dos Fornos con una morea de xente. O sábado 29 de abril, as 13 horas daba comezo esta cita gastronómica nas Terras do Bolo. Foron seis os fornos participantes ademais dunha adega-cova na que hai un secadoiro de castañas.
En cada un destes fornos, os asistentes degustaron algúns dos pratos máis tradicionais da gastronomía da zona, coma son os chourizos asados, empanada, orella e lacón cocido, crema de castañas, xamón asado, torta de roxóns e roscón. Todos estes manxares estiveron acompañados por viños godello e mencía da Denominación de Orixe Valdeorras. Nos fornos do final tamén se puideron tomara licores variados.
O longo dos catro quilómetros da ruta, os asistentes atopáronse con seis fontes de pedra que se restauraron ao mesmo tempo que os fornos.
A música púxoa a charanga Compostela Band que amenizou todo o percorrido da ruta, ademais de ofrecer unha actuación algo máis longa antes do comezo da mesma e ao chegar ao último forno. Na praza do barrio do Cima, onde se pechou a Ruta, habilitouse un bar para os participantes. Unha discoteca móbil que puxo música ata ben entrada a noite.