A zumba organizada por Cruz Vermella recadou máis de 1.200 euros

A choiva respectou a Masterclass Zumba Solidaria organizada por Cruz Vermella Valdeorras cuxa finalidade foi a de recadar fondos para a entidade coa venda de boletos do Sorteo do Ouro no que neste ano repartiranse premios por valor de máis de 6.500.000 de euros.

As 20:30 horas, na praza Andrés de Prada do Barco, do venres 1 de xuño comezaba a primeira das actividades organizada por Cruz Vermella na que Anabela e Valentina fixeron bailar a máis de medio cento de participantes. O prezo da inscrición foi de 5 euros por persoa —valor do boleto do Sorteo do Ouro entregado a cada participante—, a través dos cales se racadarón máis de 1.200 euros. Ao finalizar a demostración sorteáronse agasallos doados por Calzada Hotel Restaurante, Brasería Vila do Castro, Ana de la Puente Perfumería y Estética e Monika Nails.