Camiño das Covas ca presenza de mais de mil persoas

Tras un ano de parón polo finamento de Pedro Núñez,  uns días antes da celebración o pasado ano do “Camiño das Covas”, esta festa organizada  pola Agrupación de Adegueiros do Castro acolleu a mais de 1000 persoas.

Oito foron as covas e adegas participantes nesta décimo primeira edición, nas que se podía tomar viño branco ou tinto, segundo fose apetecendo. Para comer; empanada, entremés, queixo.... Para animar o cotarro Os Palletas, grupo de gaitas de Quiroga, amenizou a velada. Ó peche das adegas quen fixo cantar e bailar na praza do Castro ós que aínda tiñan folgos, foron Os Brothers, que puxeron o broche a celebración,

“Un éxito rotundo”, confirmaba Irene Dacal, concelleira de Turismo.