Atronador son de bucinas no San Cristovo

San Cristovo recorreu as rúas do Barco na tarde do 9 de xullo, montado en coche e acompañado polo enxordecedor son das bucinas dos camións que o seguían en procesión.

A festa na honra do santo, organizada pola asociación de condutores de Valdeorras, COASVA, comezaba xa de mañá, pero foi as oito da tarde cando se intensificaron as actividades. A esta hora celebrouse a misa presidida por San Cristovo e media hora máis tarde os camións saían en procesión polas rúas barquenses, non sen antes, pasar polas gotas do hisopo que lle daban a bendición.

A volta, os camioneiros, as súas familias e todo o que quixo puido bailar no campo da festa co Trío Medianoche e cenar o churrasco preparado pola organización.