Baixo o lema «Divírtete paseando e mercando nunha noite diferente», ás oito da tarde dábase o pistoletazo de saída á Noite Branca. Bayadère Danza facía unha exhibición de baile na Praza do Concello que engaiolou aos presentes.
Co calor xusto, nin moito nin pouco, a xente animouse a saír as rúas para participar de cheo nas actividades organizadas polo CCA —Centro Comercial Aberto—.
A singularidade desta xornada, como ven sendo habitual, foi practicar descontos nos artigos de tempada, durante todo o día. Os comercios engalanáronse de xeito especial para a ocasión con faroliños, grilandas, flores ou luces, iso si, a cor que predominou foi a branca.
Trinta e catro comercios e establecementos hostaleiros participaron nesta nova edición. Os comercios permaneceron abertos até as 12 da noite. Neles, ademais de mercar con descontos dentre o 20 e o 70%, os clientes puideron repor forzas cos petiscos que había en cada un dos establecementos asociados ao CCA. Tamén se organizaron sorteos, como foi o caso de Ana de La Puente Perfumería y Estética. Outros como Flores Snat agasallaron aos clientes cunha flor de gerbera.
Doce ou salgado houbo comida para todos os gustos: empanada, sadwiches, brochetas de queixo e uva, tortas de todo tipo, paracas fritas, millos, «palomitas», tortilla, bica, amendoados, bocadiños de polvorón, e un sinfín de numerosos pinchos.
Nos establecementos hostaleiros que participaron na campaña ofreceuse un pincho especial «noite branca» gratis, coas consumicións mentres estivo activa a actividade. En Restaurante Piquiño fixeron unha paella a porta do establecemento.
As charangas Fuego e Támega animaron as rúas coa súa música. Non faltaron momentos divertidos e animados e até quen bailou o son da charanga. Este ano, para maior seguridade, a Policía Local con axuda de Protección Civil cortou e desviou o tráfico para evitar incidentes.
Os establecementos participantes foron: A Manduca, Ana De La Puente Perfumería y Estética, Ana Óptica, Baamonde, Boutique Glory, Boutique Suá, Café Teatro Bajo Cinco, Can-Can, Costuritas, Miranda X, Miranda Moda, De Chus, Tri Sport Twinner, Divino Paseo Café Bar Terraza, Estética Pamen, Floristería Esnat, Garoba, Hache, KOKI, La Matería O Barco, Librería Murciego, Mercería Carmiña, Mercería Mayte, Coper moda, N.37, Modas O Prenda Vestimos a mujeres de todas las tallas, Piquiño Restaurante, Pizpireta, Ton y Son, Top Queens O Barco, Zapatería Moral, Palpie Zapatería y Step Up Shoes Shop.
Con esta iniciativa, desde o CCA pretendeuse que os veciños do Barco e dos municipios limítrofes sairán a mercar no comercio local, desfrutaran das actividades gratuítas e se animaran a coñecer os establecentos da asociación barquense.