O Barco celebrou o Entroido da xente miúda

No Pavillón, no parque, polas rúas até no 13/14 os pequenos disfrazáronse e divirtíronse na vila barquense

No pavillón un mago, unha discoteca móbil e un can da «Patrulla Canina» foi o divertimento que tiveron os rapaces. Faltou para gusto de pais e nenos unhas colchonetas onde puideran brincar un ratiño.

Os que quixeron xogar e correr achegáronse ao Malecón, iso si, disfrazados dos seus personaxes favoritos: Super Mario, Maléfica ou princesa. Houbo moitas nais disrazadas como os seus nenos e incluso avoas: de ratiña Minie, de paiaso ou de meiga, o caso e pasar un bo rato cos fillos, netos ou sobriños

E os que quixeron música e bailar déronse cita no establecemento hostaleiro 13/14, onde ademais do DJ Sergio houbo merenda: canapés, patacas fritas ou mini hamburguesas.

Tarde de troula para prepararse para os grandes desfiles de mañá por todo o territorio valdeorres e tamén nas Terras de Trives. De mañá desfile de folións a partir das 12:30 e Festa da Soá na Veiga, tamén en Manzaneda desfile de Folións a partir das 11:30. Xa pola tarde as 16:30, desfile de comparsas na Rúa e Trives e a partir das 17:30 no Barco. Máis información na axenda deste dixital.